 |
| Фото: gagadget.com |
Huawei смартфон бозори етакчиси бўлиш умидидан қайтгани йўқ ва 2018 йилда 200 миллионта қурилма сотиш ниятида. Бу ҳақда Honor Play нинг Хитойдаги тақдимотида компаниянинг истеъмол бизнеси раҳбари Ричард Ю (Richard Yu) хабар берди.
Тезлашишди!
2017 йилда Huawei йиллик 10% ўсишни намойиш этган ҳолда 153 миллионта смартфонни сотувга чиқарди. Жорий режа сотувларни 30% кўпайтиришни назарда тутади. Ва бу - мобил қурилмалар бозори қисқаришни бошлаганига қарамасдан. Бунақа суръатларни ушлаб туришга иккита бренд стратегияси ёрдам бермоқда. Huawei қурилмаларига параллел равишда компания паст нархлари эвазига катта талабга эга бўлган Honor моделларини сотмоқда. Honor 10, масалан, жорий мавсумнинг энг арзон флагманларидан бири бўлиб қолмоқда.
Компаниянинг ўз башоратларига кўра, 2018 йилда Honor савдолари Хитойдан ташқарида 100% дан ортиқроққа ўсади. Натижада "кичик" бренднинг ташқи бозордаги улуши бир йил аввалги 20% га қарши 25-30% ни ташкил этади.
Яна нималар
Бугун Huawei - катталиги бўйича учинчи ўриндаги смартфон ишлаб чиқарувчисидир. 2017 йилда 215 миллионта сотилган iPhone ни инобатга олган ҳолда, хитойлик гигантга иккинчи ўрингача ҳали анча бор, аммо Apple билан ўртадаги фарқ қисқариб бормоқда.
Смартфонлар бозорининг жорий етакчиси Samsung бўлиб, ўтган йилда компания 317 миллионта қурилмаларни сотувга чиқарган.
gagadget.com сайтидан таржима қилинди.
Комментариев нет:
Отправить комментарий