Snapchat да энди жўнатилган хабарларни ўчириш мумкин

Фото: gagadget.com

Snapchat жамоаси фойдаланувчиларга яқин вақт ичида бошқа мессенжерларда мавжуд бўлган фойдали функция - жўнатилган хабарларни ўчиришни жорий этишини ваъда қилмоқда.

Бу қандай ишлайди

Хабарни босиш ва ушлаб туриш орқали пайдо бўлган менюда "Хабарни ўчириш"ни танлашингиз мумкин. Бунда ҳамма нарсани ўчириш мумкин - матн, сурат, овозли хабар, видеоролик ёки стикер.

Фото: gagadget.com

Бу функция ҳам шахсий, ҳам жамоавий чатларда ишлайди.

Лекин, "тозалаш" сезилмасдан қолмайди: суҳбатдош(лар) хабар ўчирилгани ҳақида билдиришнома олади. Лекин унинг розилиги талаб этилмайди. Агар у хабарни ўқишга ва скриншот қилишга улгурган бўлса, сиз бу ҳақда хабардор қилинасиз.

Қачон ишга тушади

Янги функция Snapchat нинг кейинги янгиланиши билан бирга пайдо бўлади, янгиланишни эса яқин бир неча ҳафта ичида ишлаб чиқиш ваъда қилинмоқда.

gagadget.com сайтидан таржима қилинди