Windows 10 янгиланишини энди Microsoft нинг сунъий онги бошқармоқда

Фото: gagadget.com

Сунъий онг тизимлари қийин жараёнларни оптималлаштириш имконини берадилар. Шу тариқа, Microsoft Windows 10 янгиланишларини сунъий онг бошқарувига ўтказиб, ўзини кўплаб муаммолардан халос қилди.

Бу қандай ишлайди?

Аввалига компания апдейтдан шикоят қилмаган фойдаланувчилар қурилмалари ҳақида маълумотларни тўплайди. "Ақлли" алгоритм статистикани таҳлил қилади ва қайси тизимларда янгиланиш муаммосиз ўтишини башорат қилади. Айнан улар биринчи навбатда юклашга навбатга қўйилади. Fall Creators Update билан машинавий ўрганишнинг чекланган синовлари ўтган кузда ўтказилган эди, Microsoft нинг баҳорги янгиланишлари чиққанидан сўнг эса, тўлиқ ишга туширилди.

Натижа қандай?

Компания қўллаб-қувватлаш хизматига шикоятлар сони камайганини қайд этди. Бундан ташқари сунъий онг янгиланиш суръатларини тезлаштирди - баҳорги апдейт олдинги версияга қараганда 250 миллионта ўрнатишларни икки баравар тезроқ тўплади.

Microsoft, шунингдек, Windows 10 April 2018 Update ўзининг якуний босқичига чиқаётганини эълон қилди. Энди янгиланиш барча фойдаланувчилар учун мумкин (май ойида 700 миллионта Windows 10 ўрнатилган қурилмалар ҳақида эълон қилинган эди).

gagadget.com сайтидан таржима қилинди.