Xiaomi бир неча ҳафта ичида бир миллиондан ортиқ Mi 8 флагманини сотди

Фото: gagadget.com

Xiaomi компанияси ўзининг янги Mi 8 флагман қаторидаги смартфонлари омадли савдолари ҳақида ҳисобот берди. Эслатиб ўтамиз, 31 майда Xiaomi Mi 8, оддийроқ талқиндаги Mi 8 SE ва Mi8 Explorer Edition ларнинг расмий тақдимоти бўлиб ўтган эди.

Қанча сотилди

Компания матбуот котиби Донован Сунг (Donovan Sung) сўзларига кўра, тақдимотдан 25 кун ўтиб ва савдоларнинг жами 18 куни мобайнида 1 миллиондан ортиқ қурилмаларни сотиб олишди. Xiaomi раҳбари Лэй Цзюннинг аниқлик киритишича, янги флагманнинг биринчи партияси бор-йўғи 97 сонияда, иккинчиси эса бир неча соат мобайнида сотиб бўлинган.

Sharing some amazing news.

The Mi 8 series first went on sale on June 5. Just 18 days later, we've already sold over 1M units!#Xiaomi #Mi8 pic.twitter.com/dH36P6Wgt8

— Donovan Sung (@donovansung) June 23, 2018

Эндиликда Mi 8 Xiaomi нинг рекордчисига айланди, чунки илгари хитойлик ишлаб чиқарувчининг бирорта ҳам смартфони бунчалик тез ва бунақа миқдорларда сотиб бўлинмаган эди.

Компанияда турли моделлардан қанча сотилганига аниқлик киритилмаган,  лекин тахмин қилиш мумкинки, Mi8 Explorer Edition умумий кўрсаткичга катта ҳисса қўшмаган, сабаби унинг нархи - 580 долларга яқин.

Умуман олганда, янги флагманнинг омади кутилмаган ҳолат эмас: бу ўзига хос услубга ва дизайнга эга, замонавий ва кучли аппарат, шу билан бирга у Huawei P20 Pro ёки Samsung Galaxy S9 лардан кўра икки баробар арзонроқ.

gagadget.com сайтидан таржима қилинди.