Apple iPhone ва iPad учун iOS 12 Beta 3 ни чиқарди

Фото: gagadget.com

Шу кунларда Google компанияси ўз қурилмалари учун Android P Developer Preview 4 (Beta 3) ни чиқарди. Энди эса iOS 12 Beta 3 янгиланиши билан Apple хурсанд қилмоқда.

Қанақа янгиликлар

Прошивка iPhone ва iPad учун чиқарилди. Асосан ишлаб чиқарувчи операцион тизимнинг  аввалги талқинидаги камчиликларни бартараф қилган, аммо баъзи янгиликлар ҳам бор. Қурилмаларни компьютерга улаганда пароль сўраш имконияти ва барча билдиришномаларни бирданига тозалаш ҳаракати қўшилган, шунингдек iPad учун Voice Memos иловасининг интерфейси ўзгартирилган. Бундан ташқари, об-ҳаво виджети, Skype ва Twitter иловалари ишлашидаги хатоликлар бартараф қилинган.

Қачон кутилмоқда

Янги талқинни синовнинг барча аъзолари ҳозирнинг ўзида ўрнатиб олишлари мумкин.

Эслатиб ўтамиз, iOS 12 ишлаб чиқувчиларга бағишланган WWDC 2018 тадбирида 12 та қурилма учун тақдим этилган. Прошивканинг якуний талқини кузда ҳавола этилиши керак.

gagadget.com сайтидан таржима қилинди.