Huawei дагилар Android P нинг тўлиқ номи ҳақида гапириб қўйишди ва бу сизни ажаблантиради

Фото: gagadget.com

Huawei компанияси ўз мижозларидан бирига Android операцион тизимининг янги талқини қандай номланишини тўсатдан айтиб қўйди. Ҳозирда барча манбаларда уни Android P деб тилга олмоқдалар, аммо P ҳарфи ортида нима яширинлиги ҳақида ҳозирча Google ошкор қилмаяпти.

Huawei нинг Польша бўлими қўллаб-қувватлаш хизмати ходимлари мижознинг саволига жавоб бераётиб, тўсатдан Android Pistachio ни тилга олдилар. У эса, бор-йўғи Huawei P9 Lite Mini (Y6 Pro) ва Huawei P9 Lite (2017) смартфонларини Android 8.0 Oreo асосидаги EMUI 8.0 гача қачон янгилашлари ҳақида қизиққан эди.

Фото: gagadget.com

Шу тариқа, Android Pie ва Popsicle ҳақидаги фаразлар тасдиқланмади. Бошқа томондан,  Android Pistachio операцион тизимнинг "ширин" линиясига унчалик ҳам мос эмас. Шу сабабли, катта эҳтимол билан, ном Android Pistachio Ice Cream (пистали музқаймоқ) кўринишида бўлади. Қолаверса, бу вариант аввалроқ ҳам тилга олинган эди.

Android P нинг расмий тақдимоти августда бўлиши кутилмоқда.

gagadget.com сайтидан таржима қилинди.