Тармоқда iPhone X, iPhone X Plus ва iPhone 6,1 акс этган яна бир видео жойлаштирилди

Фото: gagadget.com

Машҳур америкалик IT-блогер Маркус Браунли (Marques Brownlee) ўзининг YouTube-каналида Apple нинг бўлажак уч модели акс этган видеони тақдим этди.

Нима кўрсатилди

Блогернинг сўзларига кўра, унинг қўлидагилар - бу, 5,8 дюйм OLED-экранли iPhone X, 6,5 дюйм OLED-экранли iPhone X Plus ва суюқ кристалли экранга эга 6,1 дюйм диагоналли iPhone 2018. Бўлажак учлик худди 2017 йилдаги iPhone X даги каби бир хил ўлчамдаги "кесим" билан таъминланади. Биринчи иккита модел "эгизаклардек" бўлади ва фақатгина экрани диагонали билан фарқланади. Улар янги тилларанг, оқ ва қора рангларда чиқади. Ҳар уччала ранг чиройли ва ёрқинроқ бўлади.

Суюқ кристалли дисплейга эга "арзон" iPhone 6,1 камида тўртта рангда (аммо кўпроғини ваъда қилишмоқда) чиқади ва битталик асосий камера, шиша қобиқ ва Face ID юзни таниш функциясига эга бўлади.

gagadget.com сайтидан таржима қилинди.