 |
| Фото: gagadget.com |
Google компанияси 6 август куни кутилмаганда Android 9 нинг якуний талқинини чиқарди. Аслида у 20 августда кутилаётган эди. Ниҳоят, операцион тизимнинг тўққизинчи талқини тўлиқ номини билиб олдик: P ҳарфи ортида Pie (пирог) сўзи яширинган экан.
Қанақа янгиликлар
Янги Android ни тақдим этаётиб, Google сунъий онг ва ишоралар ёрдамида бошқариш имкониятларига урғу бермоқда. Шундай қилиб, асосий ўзига хосликлар орасида:
Adaptive Battery: тизим сиз қайси иловалардан кўпроқ ёки камроқ фойдаланишингизни таҳлил қилади, шундан сўнг аккумулятор қувватини энг кўп фойдаланаётган иловаларингизга қайта тақсимлайди.
Adaptive Brightness: ёруғлик созламалари ён-атроф ёруғлиги ва сизнинг талабларингиз асосида ўзгаради.
 |
| Фото: gagadget.com |
App Actions: бу, иловалар учун махсус фаоллаштиргичлар бўлиб, кўп фойдаланилаётган функциялар учун жавоб беради ва сизнинг ҳаракатларингизни олдиндан аниқлайди. Яъни, қанақадир амални бажариш учун илованинг ўзини ишга туширишнинг кераги бўлмайди.
 |
| Фото: gagadget.com |
Digital Wellbeing: бу, ҳозирда машҳур функция (ҳарқалай, фойдаланувчилар орасида бўлмаса, хизматлар ва иловалар орасида) бўлиб, у аниқ бир илова ёки смартфоннинг ўзига сарфланган вақтни ҳисоблайди. Агар исталса, чеклов ёки аниқ вақтни белгилаш мумкин, шундан сўнг экран оқ-қора тусга киради (яъни, ухлаш вақтингиз бўлди). Тўғрироғи, ҳозирда бу функция такомиллаштиришмоқда, шунинг учун у ҳали синов режимида ишлайди.
 |
| Фото: gagadget.com |
Шунингдек, Android 9 да навигацион тугмалар (энди бу ерда ишораларни қўллаб-қувватловчи битта тугма), иловалар "миниатюралари", "Безовта қилинмасин" режими (фаоллаштирилганда билдиришномалар экранда акс этмайди), овоз баландлиги регулятори ўзгарган, батарея қуввати ва аккумулятор тўлиқ қувватсизланиши вақти ҳақида маълумот берувчи қалқиб чиқувчи ойна пайдо бўлган, қувватлантириш қўшилганда мусиқий оҳанг янграйди, шунингдек, билдиришномалар панели янгиланган.
 |
| Фото: gagadget.com |
Эслатиб ўтамиз, Android 9 да биринчи марта операцион тизим "кесимли" экранларга эга смартфонларга "мослашади".
 |
| Фото: gagadget.com |
Ким ва қачон янгиланади
Биринчилардан бўлиб янги Android га Pixel смартфонлари эга бўлдилар. Бундан ташқари, Essential компанияси Twitter да хабар беришича, унинг қурилмалари ҳам янгиланишни бошлаган.
Android One дастури русумлари ва бета-синов қатнашчилари (Xiaomi Mi Mix 2S, Sony Xperia XZ2, Essential Phone, Nokia 7 Plus, Oppo R15 Pro, Vivo X21 ва OnePlus 6) ОТ нинг янги талқинига кузнинг охиригача эга бўлишлари керак. Шунингдек, Google прошивкаларни шу йилнинг охиригача тайёрлаш учун бир нечта компаниялар билан яқин ҳамкорлик қилмоқда.
gagadget.com сайтидан таржима қилинди.
Комментариев нет:
Отправить комментарий