Microsoft компанияси Windows 8 учун янги иловалардан воз кечмоқда

Фото: gagadget.com

Microsoft босқичма-бочқич равишда Windows операцион тизимининг эски талқинларидан Windows 10 фойдасига воз кечмоқда. Тез орада корпорация Windows 8.x ва Windows Phone 8.x учун янги иловаларни қабул қилишни тўхтатади.

Муддатлари қанақа

Демак, шу йилнинг 31 октябридан бошлаб, Microsoft Store юқоридаги ОТ лар учун янги иловаларни қабул қилмайди ва чиқармайди. Мавжуд иловаларнинг янгиланишлари қабул қилинади, аммо бу ҳам узоқ давом этмайди.

2019 йил 1 июлдан бошлаб Windows Phone учун, 2023 йил 1 июлдан эса Windows 8 учун иловалар янгиланишдан тўхтатилади.

Кимга зарар

Ростини айтганда — ҳеч кимга, чунки юмшоқ қилиб айтганда, Windows 8 ва Windows Phone 8 энг муваффақиятли ОТ лардан эмас. Статистикага кўра, Windows 8.x бор-йўғи 7% қурилмаларда ўрнатилган, Windows Phone 8.x да эса кўрсаткичлар бундан-да камтарроқ - 0,04%.

gagadget.com сайтидан таржима қилинди.