Huawei раҳбари АҚШ санкциялари туфайли пенсияга кетиш фикридан қайтди

Фото: gagadget.com

Huawei асосчиси ва генерал директори Жэнь Чжэнфэй (Ren Zhengfei) шу кунларда журналистларга интервью берди ва АҚШ санкцияларига тўхталиб ўтди.

Нималар деди

Хитой компанияси раҳбари ўз лавозимидан кетиш ниятида бўлганлигини айтди. Аммо, АҚШ томонидан киритилган санкциялар туфайли у ўз лавозимида қолди. Унинг сўзларига кўра, АҚШ томонидан бўлаётган босим уни руҳлантиради.

Айтганча, икки ой аввал Жэнь Чжэнфэй 75 ёшни қаршилади, шу сабабли дам олиш ҳақида у шунчаки ўйлаётгани йўқ эди. Huawei Technologies Co. Ltd компаниясига у узоқ 1987 йилда асос солган, бир йилдан сўнг унинг генерал директорига айланган эди. У бу лавозимни ҳозирга қадар эгаллаб келмоқда.

Ҳозирда Huawei - дунёда йириклиги бўйича иккинчи смартфон ишлаб чиқарувчи компания ҳисобланади. Жэннинг ўзини эса Time Magazine журнали 2005 йилда ўзининг энг кўп таъсирга эга 100 кишилик рўйхатига киритган.

Шунингдек, журналистлар генерал директордан АҚШ ҳукумати томонидан лицензия узайтирилиши борасида ҳам қизиқишган. Huawei раҳбари компания режаларига бу заррача таъсир қилмаслигини таъкидлаб ўтган.

gagadget.com сайтидан таржима қилинди.

Мазкур блогнинг Telegram каналига обуна бўлинг.