Samsung ҳозирча Galaxy Note 10 ва Note 10+ ларнинг 5G талқинларини Android 10 гача янгиламай туради.

Фото: gagadget.com

Ўтган ҳафтада Samsung Galaxy Note 10 ва Note 10+ смартфонлари Android 10 га асосланган One UI 2.0 ни қабул қила бошладилар. Лекин бу фақат 4G талқинлардир. 5G ни қўллаб-қуввтлайдиган моделлар учун янгиланиш бироз кутиб турадиганга ўхшайди.

Қачон?

Хуллас, корейс форумларида Samsung вакиллари Note 10 5G ва Note 10+ 5G смартфонлари дастурий таъминотни келгуси йилда қабул қилишини маълум қилдилар. Айнан қачонлиги - ҳозирча номаълум.

Ҳозирча эса ушбу смартфонлар Android 9 Pie билан ишлашда давом этадилар.

Афтидан, бу ерда муаммо айнан 5G. Гап шундаки, OnePlus 7 Pro 5G да ҳам худди шундай муаммо бор: унинг 4G талқини Android 10 га янгиланди, 5 авлод тармоғини қўллаб-қувватловчи талқини учун янгиланиш келгуси йилдан олдинроқ бўлмайди.Муаммо нимадалиги номаълум.

gagadget.com сайтидан таржима қилинди.