Google Camera 7.4: видео учун 8-карра зум, тезкор созламалар менюсида тасвир ўлчамини ўзгартириш тугмалари ҳамда Pixel 4а ва Pixel 5ни қўллаб-қувватлаш

Фото: gagadget.com

Google дастурчилари ўз камера иловаларининг янги талқинини тақдим этишди.

Нималар маълум

Янгиланиш Google Camera 7.4 рақами остида чиқди. Янги талқинда Pixel 4 ва Pixel 4 XL фойдаланувчилари учун видео вақтида тасвирни 8х гача яқинлаштириш имконияти қўшилди. Аввал фақат 6х мумкин эди. Ушбу янгилик янгиланган Super Res Zoom алгоритмлари туфайли пайдо бўлди. Смартфонда ҳатто 2-карра оптик зум ўрнатилган бўлишига қарамай, улар тасвирни энг кам сифат йўқотишлари билан яқинлаштириш имкониятига эга.

  

Фото: gagadget.com

Шунингдек, Google Camera 7.4да тезкор созламалар менюсида (у камера интерфейсининг юқори қисмида жойлашган) видео ўлчамини ўзгартириш имконияти пайдо бўлди. Бундан ташқари янгиланган иловада компаниянинг бўлажак смартфонлари Google Pixel 4а ва Google Pixel 5ларни қўллаб-қувватлашга ишора қилувчи  код сатрлари борлиги аниқланди.

Қачон кутилмоқда

Google Camera 7.4ни Pixel смартфонларининг барча фойдаланувчилари аллақачон юклаб олишлари мумкин. Бошқа қурилмаларга портлар бироз кейинроқ пайдо бўлади.

gagadget.com сайтидан таржима қилинди.

Мазкур блогнинг Telegram каналига обуна бўлинг.