Honor Play 4 Pro смартфони тана ҳароратини ўлчай олади

Фото: gagadget.com

Эртага, яъни 3 июнь куни Huaweiнинг суббренди Honor ўзининг янги смартфонлари Honor Play 4 ва Honor Play 4 Proларни тақдим этади. Ушбу смартфонлар ҳақида қизиқ бир маълумот пайдо бўлди.

Гап нимада

Honor Play смартфонлар қаторини ишлаб чиқиш лойиҳаси менеджери Honor Play 4 Proнинг янги функцияси акс этган видеони улашди. Хуллас, смартфон тана ҳароратини ўлчай олади: бунинг учун уни шунчаки бир неча сонияга инсон терисига яқинлаштириш керак.

Ушбу функция пандемия шароитида айниқса долзарб бўлади, чунки коронавируснинг асосий симптомларидан бири - бу юқори ҳароратдир. Honor Play 4 Pro билан эса сиз ўзингизнинг ёки фарзандингизнинг ҳароратини исталган жойда ва исталган вақтда ўлчай оласиз.

Эслатиб ўтамиз, янги қурилмада 5G-модемли Kirin 990 чипи, 6,57-дюймли LCD FHD+ дисплей, иккиталик олд камера (32+8 Мп), иккиталик асосий камера (40+8 Мп) ва 40 Втли тезкор қувватлантиришга эга 4200 мАс аккумулятор бўлиши кутилмоқда.

gagadget.com сайтидан таржима қилинди.

Мазкур блогнинг Telegram каналига обуна бўлинг.