Ишламаяпти: Microsoft Windows 11 компьютерга тушиш-тушмаслигини текширувчи PC Health Check дастурини ўчирди

Фото: gagadget.com

Microsoft PC Health Check дастурини ноаниқ ишлаши сабабли ҳозирча ўчиришга қарор қилди.

Нега ишламаяпти?

Windows 11 операцион тизими эълон қилинганидан сўнг, Microsoft PC Health Check дастури фойдаланувчилар компьютерларининг операцион тизимга мослигини текширишини эълон қилди. Янгилангач эса, дастур нафақат хулоса чиқаришни, балки номувофиқликнинг сабабини тушунтиришни ҳам ўрганди.

Бироқ, кўплаб фойдаланувчилар PC Health Check-нинг нотўғри ишлаши ҳақида шикоят қилишни бошладилар - дастур Windows 11-нинг барча талабларига жавоб берадиган замонавий компьютерларни ҳам рад этди.

Фото: gagadget.com

Microsoft шикоятларни эшитган ва дастурни сайтдан олиб ташлаш орқали Microsoft PC Health Check-ни кейинроққача ёпишга қарор қилганга ўхшайди. Компания томонидан дастурий таъминот фойдаланувчилар кутган "тафсилот ёки аниқлик даражасини таъминлаш учун тўлиқ тайёр эмаслиги" тушунтирилди. Шунинг учун, дастурдаги камчиликлар тўлиқ бартараф этилади, ҳамда кузда ва Windows 11-нинг расмий версияси чиқишига яқинроқ вақтда қайта чиқарилади.

gagadget.com сайтидан таржима қилинди.

Мазкур блогнинг Telegram каналига обуна бўлинг.