Volkswagen оддий автомобиллар савдосини 2035 йилгача тугатишни режалаштирмоқда

Фото: gagadget.com

Volkswagen компанияси сотувлар бўйича раҳбари Клаус Зеллмер немис газеталаридан бирига берган интервьюсида компания 2035 йилгача ички ёнув двигателли автомобиллар сотиш бизнесидан бутунлай чиқиб кетишни режалаштираётганини айтди. Компания одатий автомобиллардан воз кечиб, электромобилларни ишлаб чиқаришга тўлиқ ўтишни 2033-2035 йилларга режалаштирмоқда.

Бошқарув кенгаши аъзоси сўзларига кўра, Хитой ва АҚШдаги ўзгаришлар бироз кечиктирилади, Жанубий Америка ва Африка эса ўтишни анча узоқроқ кутишади. 

Зеллмер, шунингдек, 2030 йилда компаниянинг барча сотувларининг 70 фоизини электромобиллар ташкил қилиши кераклигини ва 2050 йилга келиб Volkswagen ўзининг барча маҳсулотларини электр моторларига ўтказишни режалаштирганини таъкидлади.

Нега бундай қарорга келинди?

 
Кейинги 50 йил ичида бир қатор Европа давлатлари анъанавий автомобиллардан халос бўлишга қарор қилдилар: Норвегия 2025 йилгача, Франция 2040 йилгача, Буюк Британия 2050 йилгача ички ёнув двигателларини таъқиқлайди. Автоулов ишлаб чиқарувчилари мавжуд ҳолатга мослашиб, бензинли ва дизелли автомобиллар ишлаб чиқаришни тўхтатмоқдалар.

 

Манба: gagadget.com