Samsung Galaxy S7 Active смартфони Wi-Fi Alliance да Android Oreo ўрнатилган ҳолда намоён бўлди

Фото: gagadget.com

Samsung компанияси яқинда 2016 йилнинг флагмани бўлган Galaxy S7 ни Android 8.0 Oreo гача янгилаган эди. Энди эса унинг зарбаларга чидамли талқини S7 Active га навбат етди.

Нималар маълум

Смартфон Wi-Fi Alliance сайтида Android 8.0 Oreo билан кўриниш берди. Тахминан, янгиланишлар билан бирга тизимга янги хавфсизлик патчи, билдиришномалар нуқталари, автотўлдириш ҳамда Samsung Experience 9.0 фойдаланувчи интерфейси қўшилади.

Фото: gagadget.com

Хусусиятлари

Эслатиб ўтамиз, смартфон 5.1-дюймли 2560×1440 пиксел ўлчамли Super AMOLED-дисплей дисплейга эга. Қурилманинг ишлашига Adreno 530 графикаси билан ҳамроҳликда Snapdragon 820 процессори жавоб беради. Шунингдек, қурилмада 4 ГБ тезкор хотира қурилмаси, 32 ГБ доимий хотира қурилмаси, 4000 мАс ли батарея ва f/1.7 апертурали 12 Мп ли камера ўрнатилган. Ўзига хос хусусиятлардан, смартфон мос равишда IP68 ва MIL-STD-810G стандартларига кўра сувдан ва зарбалардан ҳимояга эга.

gagadget.com сайтидан таржима қилинди.