OnePlus тезкор қувватлашнинг янги номи Warp Charge ни рўйхатдан ўтказмоқда

Фото: gagadget.com

OnePlus 3 тақдимоти билан бирга 2016 йилда хитойлик ишлаб чиқарувчи ўзининг тезкор қувватлаш технологияси Dash Charge ни тақдим этган эди. Ҳозирда эса OnePlus янги номни рўйхатдан ўтказганлиги тўғрисида янгилик пайдо бўлди.

Нималар маълум

OnePlus Европада Warp Charge товар белгисига ариза берди. Топилган ҳисоботга кўра, логотип "Қувватлаш блоклари", "Кабеллар", "Смартфонлар учун қувватлаш қурилмалари" ва ҳ.к. бўлимида жойлашган. Бу шуни англатадики, гап тезкор қувватлаш технологиясининг янги номи ҳақида кетмоқда. Уни навбатдаги флагман OnePlus 6T билан бирга тақдим этишлари эҳтимоли юқори.

Фото: gagadget.com

Ҳамма гап шундаки, Европа бозорида EUIPO (European Union Intellectual Property Office) комиссияси Dash Charge товар белгисини рўйхатга олишни рад этди. Уларнинг сўзларига кўра, у Bragi компаниясининг симсиз қулоқчинлари - The Dash Pro ва Amazon нинг Dash Replenishment хизмати номларига ўхшаб кетади. Шунинг учун смартфонлар ишлаб чиқарувчисига бошқа муқобиллар излашга тўғри келган.

OnePlus аллақачон Dash Charge брендини олиб ташлашни бошлади. У расмий сайтдан ғойиб бўлди. Шунингдек, OnePlus 6 ва ундан аввалги қурилмаларда янгиланиш ёрдамида у Сharging rapidly ёзуви билан алмаштирилди.

gagadget.com сайтидан таржима қилинди.