АҚШда ZTE дан барча санкциялар тўлиқ олиб ташланди

Фото: gagadget.com

АҚШ Савдо вазирлиги кеча Хитойнинг ZTE компаниясидан барча санцияларни олиб ташлади. Энди у ўз фаолиятини тўлиқ тиклаши мумкин, гарчи "тинчлик келишуви" бир ой аввалроқ тузилган бўлса ҳам.

Нималарни келишиб олишди

Эслатиб ўтамиз, санкциялар Эрон ва КХДР билан савдо таъқиқини бузганлик учун киритилган эди. АҚШ яқин 7 йил ичида Америка компанияларига ZTE га эҳтиёт қисмлар ва дастурий таъминот сотишни таъқиқлаб қўйди.

Санкцияларни бекор қилиш учун ZTE $1 миллиардлик жаримани тўлаши ва раҳбариятини алмаштиришига тўғри келди. Бундан ташқари, яна $400 миллион компания ҳисобрақамларида келгусидаги эҳтимолий келишмовчиликларни тўлаш учун музлатиб қўйилади.

"Биз барча чекловларни олиб ташладик, аммо АҚШнинг  барча қонунлари ва қоидалари бажарилишини таъминлаш учун департамент ZTE нинг кейинги хатти-ҳаракатларини кузатиб боради", - дейилади АҚШ Савдо вазирлиги баёнотида.

Зарар қанча

Санкцияларни бекор қилиш тўғрисидаги баёнотдан сўнг, ZTE акциялари 25%га ўсди. Аммо бу, барибир, АҚШ билан "келишмовчиликлар"гача бўлган нархдан икки баробар кам.

Шунингдек, биринчи ярим йиллик, компаниянинг дастлабки ҳисоб-китобларига кўра, $1,05–1,34 миллиард зарар келтирган. Ва бу, унгача бўлган 6 ойликда ZTE $0,34 миллиард фойда олганига қарамасдан, рўй берган.

gagadget.com сайтидан таржима қилинди.